HISTORIAKO AROAK EZAGUTUZ

1.    saioa:

Saio honetan aurreko saioan aipatutako lanarekin aurrera jarraituko dugu; larrukia idatzi zuen biztanleari lagundu ahal izateko bere garaia hobeto ezagutzea komeni zaigula esan genuen aurreko egunean beraz, horri ekingo diogu!

Gaur denbora lerro bat egiten hasiko gara, eta modu aproposean egiteko, neurrien, tamainen eta urteen arteko erlazioa zehaztu beharko dugu, ezta? Zelan egingo dugu? Noski, eskalak (proportzionaltasuna) erabiliz.

Gai hau aurreko urtean ikusi genuenez, fitxa hau emango dizuet bertan landutakoa gogorarazteko; fitxa banakako lana da, pertsonala eta lan honetan zehar eskura izatea komenigarria da, edozein zalantza izanez gero eredu bat izateko.

Dokumentua ikusteko, egin klik hurrengo link-an: ESKALAK LANDUZ!

2. saioa:

Fitxa bete ondoren, prest gaude lanean hasteko! Lehenengo lan honetan taldeka egingo duzue lan, eta hurrengoa da ekintzaren helburua: Talde bakoitzak historiako denbora lerroa bete beharko du kartulina batean, horretarako ezinbestekoak dira lan egiteko materialak (arkatzak, erregelak…), aurretik landutako eskalen fitxa (erabili behar duzuen eskala ulertzeko) eta blog-ean eskegi dudan sarrera: bertan, denbora lerroan aipatu beharreko aro eta gertakizun guztiak agertzen dira.

Datuak ikusteko, egin klik hemen.

3. saioa:

Lanak primeran daude eta gelan kokatuko ditugu, daturik ez ahazteko!

Baina, gauza bat; larrukia idatzi zuena Erdi Aroan bizi zela esan dugu eta Erdi Aroko informazio gutxi daukagu laguntza eskaintzeko. Beraz, beste denbora-lerro bat egingo dugu, baina aurrekoa baino askoz zehatzagoa.

Honetan soilik Erdi Aroan zentratuko gara, eta garai horretako gertakizunak, urteak eta arazoak aipatuko ditugu. Saiatu zaitezte ahalik eta zehatzen izaten eta informazio gehien jartzen, izan ere, denbora lerro hau etorkizunean larrukiri erantzuna emateko oinarria izango baita.

Datuak ikusteko, egin klik hemen.